Olga Gabrielle van Bochove ta un artista multidisciplinario, tambe e ta traha den e parti di gestion cultural na Aruba. Awe el a lansa oficialmente su di dos buki titula Entre awa y tera. Ta trata aki di un buki di artista, libro de artista, cu ta basa riba su practica artistico. Su prome buki
Uncollectable ta detaya un otro proceso artistico. Van Bochove a gradici Prins Bernhardt Cultuurfonds cu a haci esaki posibel.
Alice van Romondt, vice-presidente di Prins Bernhardt Cultuurfonds Caribisch Gebied a bisa cu despues cu a artista a acerc’e pa subsidia su proyecto, nan a keda curioso pa mira e producto final. Esaki debi na cu no ta trata di un buki den sentido comun sino un “combinacion di un idea profundo artistico cu e trahamento di esaki mes ta un arte y e resultado final ta uno hopi bunita”.
