E programa di Investigacion Caribense di e Organisacion Hulandes pa Investigacion Cientifico (NWO) ta traha riba desaroyo di un agenda di conocemento hunto cu e habitantenan di e parti Caribense di Reino. E agenda di conocemento aki ta inventarisa cua ta e preguntanan comunitario mas urgente y con investigacion cientifico por contribui na un solucion. Na juni y juli 2024 NWO ta organisa encuentronan publico riba e seis islanan pa determina si ta reconoce e contenido.
A formula e agenda di conocemento basa riba e encuestanan extenso bou di e habitante- y investigadonan di e seis islanan den 2019 y 2021. Basa riba e encuentronan, ‘combersacionnan comunitario’, den juni y juli, lo formula e agenda di conocemento definitivo. Lo presenta esaki durante e Siman di Investigacion Hulanda Caribense na october 2024.
Investigacion cientifico duradero basa riba e region
Investigacion cientifico tin un fundeshi solido den e region, cu e contribucion structural anual di €2.500.000,- di Ministerio di Enseñansa, Cultura y Ciencia (OCW). Cu lansamento di e Plataforma Caribense pa Investigacion Cientifico (CaRP) mas laat e aña aki, NWO ta brinda sosten adicional na tur hende cu ta envolvi cu investigacion cientifico, cu e colaboradonan riba tur e seis islanan (paisnan).
Fecha di e encuentronan publico
NWO ta organisa cada biaha un encuentro publico, un ‘combersacion comunitario’ pa cada isla riba e topiconan cu ta hunga un papel regional y local. Ta trata di e topiconan manera pobresa, siguridad di alimento, cambio di clima y identidad cultural. Durante e encuentronan por bin cu e topiconan nobo y aclara topico existente.
Tin interes pa asisti na un encuentro publico?
Aki di antemano e fechanan, mas informacion ta sigui.
· Aruba: 17 t/k 21 juni.
· Sint Maarten: 24 t/k 28 juni.
· Sint Eustatius: 01 t/k 05 di juli.
· Saba: 08 t/k 12 di juli.
· Corsou: 15 t/k 19 di juli.
· Boneiro: 22 t/k 26 di juli.