US Coast Guard a entrega diabierna na autoridad di Administracion pa Control di Droga (DEA) un total di 245 kilogram di cocaina confisca den Lama Caribe, hunto cu huebe sospechoso di contrabanda n’e Base di US Coast Guard na San Juan, Puerto Rico.
Segun Coast Guard, e contrabanda, balora na 7.4 miyon dollar, tabata resultado di esfuerso colaborativo bao iniciativa como e Western Hemisphere Strategy y e Operation Unified Resolve.
Den un operacion lidera pa DEA, e tripulacion di Coast Guard Cutter Heriberto Hernandez, a localisa un embarcacion sospechoso aproximadamente 75 miya nautico pazuid di St. Croix, US VIrgin Islands, den marduga di dia 3 di juni 2023.
Na momento di a acerca, e tripulacion por a observa e ocupantenan di e embarcacion “ta benta un cantidad di pakete den awa.” E tripulacion a logra detene e embarcacion sospechoso, cu tabatin nuebe hende homber abordo, cu a confirma di ta Venezolano y a recupera e paketenan benta na awa cu a sali positivo pa cocaina.
Despues a hiba e detenidonan y e contrabanda pa Coast Guard Charles David Jr. p’e transporte final na San Juan, Puerto Rico.
Comandante Edward Kunigonis, hefe di aplicaicon di e ley di Sector San Juan, a elogia e esfuersonan di e tripulacion di Heriberto Hernabdnez y e colaboracion di tur e unidadnan y e agencianan asocia envolvi den e caso.
E Agente Special encarga di DEA, Denise Foster, a destaca e compromiso y e colaboracion di tur e agencianan den e lucha contra e trafico di droga den Caribe, subrayando e importancia di e operacionnan aki pa proteha e comunidadnan di narcotica.
Coast Guard a señala cu nan esfuersobnan bao di Operation Unified Resolve ta contribui n’e resultadonan interinstitucional alcansa diariamente bao di Operation Caribbean Guard, coordinando e esfuersonan entre Coast Guard, Departamento di Siguridad Nacional di Merca y e forsanan di orden teritorial y di e Commonwealth, cu ta traha diligentemente pa disuadi, detecta y desarticula e trafico maritimo ilicito pa Puerto Rico y US Virgin Islands.
