Un grupo di persona practicando un deporte cu tabata descansa un rato, a hala atencion di un ciudadano cu a bati alarma na polis pa aglomeracion.
E hecho aki a tuma luga diadomingo rond di 9’or di mainta. E habitante di Boegoeroei a informa polis cu e ta mira 12 persona sinta ta bebe algo, pero como ta na un distancia leu e no por bisa si ta alcohol. E ciudadano no ta haya na su luga algo asina, pasobra ta cera negoshinan, entre otro, y awo tin hende ta sinta aglomera den parkinglot.
Polis a bay na e sitio y a papia cu e ciclistanan y a pidi nan bandona e sitio.
