Diadomingo marduga pa mas o menos 4:00 am, polis a tene un control riba De La Sallestraat. Dado momento a scucha poco grito y a opta pa tira bista. Cerca di Canal 90 FM a bin topa cu un damita na suela, benta den yerba. Parce cu el a bringa cu chauffeur di un auto marca Nissan modelo March.
Polis a logra interveni y mesora a reina paz na sitio. A splica nan, sea ta haci drechi of ta hiba nan cera, riba cual proposicion a scoge pa nan libertad.
Pero mirando cu chauffeur di e March tabata burachi a kita e yabi di auto for di dje y consecuentemente a bay lag’e atras na pia. Tambe a dun’e un “rijverbod” di ocho ora, cu e no por stuur un auto.
![](https://24ora.com/wp-content/uploads/2024/01/CK9A5452-1920x1280.jpg)
![](https://24ora.com/wp-content/uploads/2024/01/CK9A5456-1920x1280.jpg)
![](https://24ora.com/wp-content/uploads/2024/01/CK9A5458-1920x1280.jpg)
![](https://24ora.com/wp-content/uploads/2024/01/CK9A5460-1920x1280.jpg)
A bis’e cu ora su wayaba pasa, cu e lo por haya su auto bek, si e por presenta na ward’i polis cu un rijbewijs valido, number di auto paga, seguro vigente y un prueba cu e auto ta gekeur.
Na final por bisa, e tiramento di conopi aki si a cost’e hopi.