Di parti di KIA, Rocco Tjon, a firma cu Cruz Cora un protocol di cooperacion. No ta e prome biaha cu KIA ta traha hunto cu Cruz Cora. Na comienso di aña, tur e trahadonan na KIA a ricibi un curso den nan BHV cu ta importante pa e siguridad interno na KIA sigui aumenta. Tambe tin un curso andando, caminda e esencia su tras tambe ta pa duna detenidonan norma y balornan, siñanan esaki, pero tambe na final di dia pa aumenta e siguridad den KIA. Awe nan a firma e acuerdo di cooperacion, cual ta un punto hopi importante pasobra como KIA, e vision cu tin ta pa atrabes di maneho, haci e chens cu un detenido por drenta bek den comunidad. Kier optimalisa esaki. Juist e ta door di acuerdonan asina aki cu partnernan den comunidad, ta bay haci esaki mas y mas realisabel tambe. Pesey tambe e ultimo aña a traha duro na KIA pa asina percura pa KIA wordo mira tambe como un organisacion confiabel y cu esey Tjon ta referi cu si traha hunto cu un partner cu e por ta sigur cu actividadnan cu tin programa cu nan, ta sigui. Tin continuidad den tur cos den loke nan ta haci. No solamente pa KIA, pero pa Aruba en todo caso, toch un momento importante pasobra mas chens un detenido tin pa echt por integra bek den comunidad, na final, e chens cu e lo bay comete un acto malo ta bira mas chikito, segun Tjon.
Bisando esey, Tjon ta gradici director di Cruz Cora pa e oportunidad aki y cu esey, a firma e protocol di cooperacion.
