Diadomingo marduga, net despues di 1:00 am, a topa cu un homber bou di su awa drumi na suela banda di un palo di luz riba Pastoor Hendrickstraat, net dilanti di Pacifico Restaurant na San Nicolas.
Polis a constata cu e homber tabata bastante betra y tabata papia bruha y cu lenga masha pisa. E defensornan di ley, cu tabata di masha bon curason y dispuesto pa hiba e homber su cas, a dun’e varios chens p’e duna su adres di cas, pero nada. A keda forsa e homber pa purba corda unda e ta biba of si e por tin su adres skirbi den su cartera of algo, pero nada a logra.
Door cu e homber tabata asina burachi cu e no sa ni unda e ta biba, no a keda e polisnan nada otro di ofrec’e un cuarto gratis den cel na ward’i polis na San Nicolas. Ey e lo por sosega su curpa te mainta, sin haci su mes ni otro daño.
