Den e caso sumario number AUA202204447 di dia 6 di februari 2023 ultimo entre JKM Island Holding (Kentucky Fried Chicken), JMK Burger Holding (Burger King) contra Miguel Antonio Nucete y ETECUN N.V., hues a hala atencion di un situacion peculiar. E scenario aki ta algo cu no por ni imagina cu ta sosode na Aruba y e siman aki, hasta na Universidad di Aruba atende esaki como material di les, pa evita cu futuro huristanan por peca di e forma aki. Ta referi na e echo cu abogadonan mester ta integro y no por ta golos, anto den e proceso, ta sirbi dos Dios pareu!
Den e sentencia di e caso sumario (kort geding), e hues a subraya e echo cu “Het door Etecun gestelde en door eiseressen betwiste incomplete beeld van de financiele positie van Island Restaurant en Burger Restaurant, als gevolg waarvan Ecetun de – door eiseressen eveneens betwiste noodzakelikheid van de – financiering van Etecun niet rond zou kunnen krijgen, kan dan niet op het conto van eiseressen worden geschreven. Het dient voor rekening en risico van Etecun te komen dat de overeenkomsten KFC en BK door haar (en Nucete) zijn aangegaan zonder eerst en due diligence te verrichten. Daarmee ligt thans de onverminderde nakoming van de verplichtingen van Etecun neergelegd in de overeenkomsten KFC en BK in de rede, en het heronderhandeling over de voorwaarden van die transacties dat niet. Aan het voorgaande doet niet af dat partijen in de onderhandelingen beide werden vertegenwoordigd door dezelfde advocaat. Daarmee hebben partijen kennelijk ingesteld, en bovendien zijn (de natuurlijke personen achter) partijen professionele en commerciele zakenlieden die geacht worden de gevolgen te overzien van de inhoud van te sluiten overeenkomsten en daartegen zelfstandig te ageren als zij het met de inhoud niet eens zijn. Van strijdigheid met de openbare orde (met nietigheid tot gevolg), dan wel en overmacht situatie, is op het eerste gezicht geen sprake.”
Por haci excepcion, pero semper e ta sali malo
Un abogado cu 25 aña di experiencia den abogacia na Aruba a splica cu e tipo di casonan asina, na unda un abogado ta conseha ambos banda di negosacion no ta normal. Berdad ta cu por haci excepcion, pero asina cu haci esey, 9 di 10 caso, ta caba mescos cu esaki….na malo! “Pasobra, unda e abogado ey ta awo? Dicon ningun di e dos partidonan no a uz’e mas den e caso sumario? Pasobra nan no ta confie mas. Na final, e abogado awo a perde credibilidad y a perde dos cliente pareu”, asina e abogado aki, cu a opta pa opina den anonimidad, a splica nos redaccion.
Den pasado, ora di cumpra un hotel na Aruba tambe tabatin un caso casi similar, den cual a acusa un abogado di a hunga “dubbel spel”. Tur cos tabata bayendo bon, te ora cu e benta a pega. Asina esun partido a acusa e abogado cu el a suministra informacion confidencial di dje na e otro partido, pa cual el a keda e abogado na Tuchtcollege. Consecuentemente a duna e abogado un aviso por escrito, pasobra el a faya den ehecucion di su funcion y di a mantene un distancia prudente entre e partidonan.
Abogado a peca na conflicto di interes
Riba e website “Dutch Caribbean Legal Portal”, diseña pa abogadonan di Aruba, Corsou, Sint Maarten, Surnam y islanan BES, ta stipula: A lawyer (attorney at law) is expected to be independent. This independence involves an attitude: this is the lawyer’s disposition toward his client but also toward the court and in actual fact toward any other party involved. He ought to represent the interests of his client and not be led by his own interests. Neither is he allowed to represent the interests of others if they conflict with the interest of his client.
Amistad a crusa den huramentacion
Di acuerdo cu informacion di esunnan cerca di e caso aki, parce cu e abogado en cuestion ta masha pega y ta conserva un amistad largo cu e partidonan. “E ta amigo di tur dos”, asina a conta nos. “Pero awo probablemente enemigo di tur dos. Por lo menos un di e partidonan ta evalua pa persigui e abogado t’e final, pasobra pa su via awo e cliente ta core risico di un daño y perhuicio cu por yega dos miyon florin”. Ta notabel cu ora e caso a bira serio y cu awor tin chens di perde placa bruto, cu mesora Jerry Kock di Burger King y Kentucky Fried Chicken y Miguel Nucete di Bright Bakery a opta pa busca un otro abogado y cana e caminda legal separa. Awo esun ta acusa e otro, of e abogado anterior, di a conseha nan robes y di no a para riba cu mester a haci “due dilegence” prome cu cumpra. Hasta esun ta sinti awo cu, como abogado y amigo di e otro, cu e tabata sa masha bon cu e situacion financiero no tabata bon y toch a conseha su “amigo” pa drenta negosacion di un compra di como 30 miyon florin!
Studiantenan di ley a keda babuca
E echo cu dos comerciante ta bende dos restaurant di cuminda rapido, cu propiedad y tur cos hunto, anto esun ta firma pa cumpra sin haci un “due dilegence” prome, a percura pa hopi comentario den e comunidad comercial di nos isla. Hopi ta opina cu esaki ta un caso tipico di hendenan cu a bisti un sapato mucho grandi pa nan, pasobra esaki ya no ta un ‘eror’ mas. E caso a hasta bira parti di un “college” na Universidad di Aruba, den cual e studiantenan di ley civil y ley fiscal a keda babuca di henter e caso. Y no por keda sin subraya e rol di e abogado golos aki, cu kier a sirbi dos Dios pareu, a daña henter un benta y cu awor ta core risico di haya su mes den problema serio pa su futuro den abogacia y negoshi pasobra si persiguie civilmente pa daño y perhuicio, e ta core risico di confronta demandanan miyonario contra dje.
No ta nos tur ta asina si
Algun abogado cu a sigui e caso di cerca of cu a lesa e sentencia despues, a haya nan ta contesta hopi pregunta for di nan clientenan y den comunidad general. E echo aki a pone tur abogado den un luz negativo pasobra tur hende ta puntra nan mes conta cu e reglanan di integridad y pa evita conflicto di interes durante un caso asina. Mayoria abogado ta contesta: “Tin abogado y tin abogado. P’esey ta importante pa prome cu scoge un abogado, pa verifica cu si e tin experiencia den tipo di casonan asina y cu e por maneha un semehante benta. Pero pa generalisa awo cu tur abogado ta asina, no ta husto”.
