Diasabra marduga alrededor di 12:20 am a sosode un accidente riba Watty Vos Boulevard. Net poco prome cu rotonde di Cumana. Aki ta caminda cu chauffeur di un Altezza numera A-58666 tabata cera ronchi na ordo y monta show riba caminda.
E chauffeur parce cu no tin experencia suficiente den driftmento, mirando cu a perde control di stuur y bay dal contra e particion di caminda. E front a ricibi basta daño.
Polis a presenta p’asina registra y documenta e accidente aki. A informa personal di Watty Vos Boulevard mesora di e incidente aki, kende lo percura pa drech’e mesora. E drechamento mesora ta mara den nan contract den cuadro di e proyecto PPP cu gobierno di AVP a ehecuta.
