E fin di siman aki ta tuma luga e evento internacional di Karting, Pan American Rok Cup. Diferente pais di rond mundo ta bini hunto p’asina mira ken ta resulta e ganado absoluto. Entre nan, a nota un team di Aruba y tambe Corsou presente.
Di Aruba, ta presente, Team Paesch, kende t’ey cu su piloto, Matthew Paesch kende ta batayando fuerte den e categoria di Senior Master. Matthew Paesch no ta un desconocido den e mundo di karting. E tin basta trofeo riba su nomber. Michel Paesch ta lider di Team Paesch pero alabes tata di Matthew Paesch, e piloto campeon di Aruba.
![](https://24ora.com/wp-content/uploads/2024/06/front-4-1920x1280.jpg)
![](https://24ora.com/wp-content/uploads/2024/06/front-3-1920x1280.jpg)
![](https://24ora.com/wp-content/uploads/2024/06/front-2-1.jpg)
Den un entrevista exclusivo cu Michel, el a conta cu nan tin alun dia caba na Colombia pa asina haci algun practica cu e auto di Matthew. E siman ta bayendo bon pero desde ayera, e retonan a cuminsa. A confronta un problema tecnico cu e motor di Matthew, pa cual a hacie difícil p’asina sigui cu e motor.
Ta mas cu logico, cu a cambia e motor y awe Matthew a subi pista bek p’asina saca cara di Aruba. Claro, e ta tuma tempo pa set e motor bek on. Awa a cuminsa yobe y a hacie dificil pa set tur cos optimal. Pero esey no a kita cu Matthew no obstante cu tin un aña sin competi den un evento asina grandi, cu toch ta cara na laira y cla pa bataya.
![](https://24ora.com/wp-content/uploads/2024/06/6B3A4043-1920x1280.jpg)
![](https://24ora.com/wp-content/uploads/2024/06/6B3A4057-1920x1280.jpg)
![](https://24ora.com/wp-content/uploads/2024/06/6B3A4186.00_06_07_21.Still001.jpg)
![](https://24ora.com/wp-content/uploads/2024/06/6B3A4120-1920x1280.jpg)
Tin hopi wowo riba Matthew, mirando su logronan den karting. Matthew ultimo no tabata activo den karting, pa cual condicion a bay atras. Segun Michel, ta durante careda tin cu mira con lo tune e motor y adapta si ta necesario.
“No ta tur dia ta Pasco”, asina Michel a comenta. Tin algun piloto nobo cu tambe ta bon den e sport pero asina mes ta mira un bon dia y cu espacio pa mehoracion. Awe diasabra, lo bay mira bek con e dia a bay y prepara miho pa mañan diadomingo bin “tur cu tin” pa por saca cara di Aruba debidamente y manera semper a bin ta haci.
![](https://24ora.com/wp-content/uploads/2024/06/6B3A4186.00_06_24_16.Still002.jpg)
![](https://24ora.com/wp-content/uploads/2024/06/6B3A4186.00_07_11_26.Still003.jpg)
![](https://24ora.com/wp-content/uploads/2024/06/6B3A4186.00_08_29_04.Still005.jpg)
![](https://24ora.com/wp-content/uploads/2024/06/6B3A4186.00_09_18_24.Still006.jpg)
![](https://24ora.com/wp-content/uploads/2024/06/6B3A4186.00_10_48_24.Still007.jpg)