Tur e dianan aki, a base diario, polis ta manda mensahe na comunidad relaciona cu stuurmento di auto bou influencia di alcohol. Asina mes awe marduga, despues di Lighting Parade na Oranjestad, a topa cu varios chauffeur burachi tras di stuur. A test nan y constata cu nan tabatin mas alcohol den nan rosea, di loke ley ta permiti.
Polis a detene varios di e chauffeurnan aki, cu ta core risico di perde nan rijbewijs, dependiendo con halto a supla den e mashin. E chens ta grandi tambe cu ta aplica e maneho di “Faya bo haya” den cual bo mester paga un multa halto pa bo por recobra bo libertad atrobe.
