Ora morto bati na porta di hende, pasobra pa tur hende lo yega e dia cu nan tin di muri, bo no por bay cu nada.( Hebreonan 9:27).
Awendia hopi ta kere mas den ciencia y tecnologia, cu nan ta kere den Dios, y esey ta un locura.
Pasobra aunke cuanto ciencia y tecnologia aumenta , semper tur decision tocante bida y morto lo keda den man di Dios.
Hopi ta pone nan confiansa den rikesa y ta pasa lo siguiente;
Rikesa ta trece independencia falso.
Rikesa ta mara hende na mundo.
Rikesa ta haci hende orguyoso.
Rikesa ta pone hende discrimina.
Rikesa ta pone hende menosprecia otro.
Rikesa ta pone hende rechasa Dios.
Rikesa ta pone hende tuma decision riba nan mes y no warda riba Dios.
Rikesa por hiba hende na inmoralidad.
Rikesa por hiba hende na corupcion.
Rikesa por hiba hende na impuresa.
Un hende por ta rico y ta stima Dios, basta e no pone su rikesa prome cu Dios.
Salbacion ta bini unicamente door di Cristo Hesus, placa no por cumpra salbacion, salbacion ta bini ora un hende dicidi di kere den Cristo Hesus y entrega su bida na Cristo Hesus y asina su nomber lo wordo scirbi den e buki di bida.
Den Revelacion 20;15 ta para skirbi: Y si un hende su nomber no a wordo haya skirbi den e buki di bida, e lo wordo tira den e lago di candela.
E bida cu nos tur tin actualmente ta temporal, p’esey nos mester tuma e decision di kere den Cristo Hesus y biba pa Cristo Hesus, pa nos tin bida eterna, pasobra esey ta nifica biba pa semper hunto cu Señor.
Ningun hende no por yega serca e Tata si no ta pa medio di e Yiu.
Hopi hende ta kere den nan posicion actual, den rikesa y den propiedad ,pero nan ta lubida di arepenti y busca salbacion den Cristo Hesus, cual ta hopi importante, pasobra despues cu bo muri nada no por wordo haci pa bo.
Idolatria y tradicion a hiba hende na haci oracion pa defunto, pero ningun caminda den ningun bijbel ta para scirbi cu oracion pa defunto ta saca e defunto for di fierno hibe den cielo, y ta pesey tin hende ta muri bay cu e pensamento ey y ta wordo decepciona.
Salbacion ta personal pa tur esnan cu ta kere den Cristo Hesus, no gaña boso mes, ningun hende por wordo salba riba cuenta di otro. Tur hende mester duna nan propio cuenta na Dios.Ningun yiu no por biba for di boluntad di Dios, den pica di inmoralidad, e kere pasobra su mama ta sirbi Dios e lo drenta cielo, cada ken mester arepenti di curason, confesa nan pica y kere den nos Señor Cristo Hesus.
Ni bo placa ni bo oro, tampoco bo titulo no por salba bo, Bijbel ta bisa lo siguiente den Efesionan 2;8-9, Pasobra pa medio di gracia boso ta salba door di Fe, y esey no di boso mes, e ta don di Dios. No como resultado di obranan, pa ni un hende no gaba.
Cu si bo confesa cu bo boca Hesus como Señor y kere den bo curason cu Dios a lant’E for di e mortonan , lo bo ta salba.Pasobra cu curason hende ta kere pa haña husticia y cu boca e ta confesa pa haña salbacion, Pasobra scritura ta bisa ken cu kere den dj’E lo no keda brongosa.(Romanonan 10:9-10-11).
Dios den su inmenso amor no kier pa ningun bay perdi, pero pa tur yega na arepentimento.
Sinceramente, Pastor Marcel Balootje.
