Egmond Molina ta buscando pa su nomber ta den e buki di Guinness World Record pa di cuater bes. E biaha aki el a pone como meta pa ranca un bus di diesun ton, pero lamentablemente e no a logra su obhetivo. Aunke cu e ta bay bolbe purba ranca e bus, ya cu algo a bay robes.
Egmond Molina, deportista, a indica cu e ta buscando e di cuater record pa Aruba ta den Guinness World door di ranca bus di diesun ton cu un dede, di cual el a haci. Pa loke ta trata e preparacion, esaki tabata hopi largo. Nan a graba e record caba, pero nan a ricibi e guianan specifico, a bin haya sa cu nan tabata falta par di punto. Esey a pone cu den fin di siman nan a bolbe hacie y sigui tur e reglanan como specificacionnan.
Desde chikito Molina tabata haci par di cos “straño” y su trainingnan ta extremo. E ta train tur musculo di curpa. El a indica di no ta haci training basico. Pero pa motibo cu e ta haci e training extremo, el a bin saca afo cu e tin un don. Di eynan el a cuminsa haci tipo di cos asina.
Molina a cuminsa haci e recordnan despues cu su mama a fayece, el a dicidi pa pone Aruba su nomber mundialmente. Esaki ta pa sa cu Aruba tin talento den diferente deporte.
