“Ningun hende no a paga ningun desayuno, ni lunch ni dinner na hotel. No a haci ningun papeleo, ni nada. “Nan mester stop di hunga politica,” segun un biahero, kende a bay hunto cu e grupo di Arubiano Israel pa un tour.
E grupo en cuestion a pasa den hopi adversidad, pero asina mes, nan tabata bendiciona, pasobra despues cu nan a bandona aeropuerto di Tel Aviv, a cuminsa tira misil riba dje.
Manera indica, e grupo a bay riba tour na Tera Santo y a bishita varios luga durante varios dia. Luganan leu manera Jerusalem, Bethlehem, etc. Tur caminda cu Hesus a pasa. Un tour cu sigur a tarda tres aña pa tuma luga mirando e pandemia di COVID, pero cu por fin a concretisa e aña aki.
![](https://24ora.com/wp-content/uploads/2023/10/38291D00-B28A-4A0A-A025-C9BBDB88A66B.bee04d62fadd4fc0865b097a1bfbf86b-768x544-1.jpeg)
Pero e no a bay sin contratiempo. Segun e biahero despues di tanto adversidad, tanto cancelacion, nan a sali fo’i Israel, yega Hulanda via Turkia, pero mester a paga na diferente ocasion, perde vuelo y den algun caso, a nenga nan pa bula, te cu finalmente parti di e grupo a yega Aruba, pero tabata riba nan propio forsa.
![](https://24ora.com/wp-content/uploads/2023/10/WhatsApp-Image-2023-10-11-at-7.00.56-PM.jpeg)
![](https://24ora.com/wp-content/uploads/2023/10/F210118AVS10-1920x1280.jpg)
![](https://24ora.com/wp-content/uploads/2023/10/427300.jpg)
Pa mas detaye lesa TREMPAN.