P’e bishita di Famia Real, a prohibi hisamento di tur drone y cualkier aparato di avion. Ta di importante pa pueblo compronde cu e temponan a cambia y tin hopi menasa contra Prinses Amalia.
Nicole Hoevertsz a splica cu tin hopi mas menasa, incluso tin un menasa contra e prinses. Esey ta pone cu mester tuma medida di siguridad. P’e motibo ey gobierno a formalisa un decreto gubernamental, un landsbesluit. Aki tin un prohibicion di uzo di drones desde dialuna 30 di januari, di 10:00 am, te cu diaranson prome di februari, 11:00 am. A prohibi lanta cualkier drone y aparato di avion desde cero meter te 6500 pia.
El a pidi cooperacion di pueblo pa no haci nada cu ta bay contra e decreto gubernamental. Segun Hoevertsz, e ta pa siguridad pa pueblo mes, pero tambe p’e invitadonan Real. Pero mas cu claro cu kier mira na final di prome di februari un bishita exitoso, caminda cu tur cos a bay manera a desea y planea.
Pa mas lesa TREMPAN.COM.
