Caya Grandi ta pasando den un situacion di reto, unda cu dificilmente por atrae bishitantenan pa e area aki. Y ora cu nos bishitantenan yega, ta topa cu problema.
Aruba ta un isla turistico, principal pilar economico ta turismo, pero ainda ta faya cu nos bishitantenan. E borchi aki na Hulandes ta poni na inicio di Caya Grandi. Mayoria di e bishitantenan di Aruba ta sea papia Ingles of Spaño. Esun Hulandes nunca tabata un mercado grandi pa Aruba.
Awo ta pone un borchi na Hulandes (ta comprondibel pasobra nos leynan ta na Hulandes), sinembargo mester por tin e opcion pa pone na Ingles y Spaño tambe. E Latinonan cu ta biba na Aruba mes no ta compronde e mensahe riba e borchi aki.
E fastioso ta cu bishitantenan di Aruba ta pasa cu nan auto den caya grandi. Sea nan ta haya nan mes confronta cu e tram of cu Polis cu ta para nan. Y naturalmente ta daña nan vakantie iponiendo un boet, cu tur bishitante mester paga mesora.
Shame Aruba, turismo ta duna Aruba di come y bebe for di añanan 1950 y ainda ta topa cu e tipo di situacionnan aki!
