Diadomingo marduga a sosode un accidente riba e caminda di Green Corridor. Un chauffeur cu un Kia blanco a baha caminda man drechi yegando rotonde. El a dal un borchi di trafico kibra.
Un otro chauffeur a mira loke a pasa. A bati alarma y duna polis e number di e auto cu ta A-10788. E auto ta registra na un cas na Savaneta. Polis a yega na e adres y topa e auto.
A logra haya tambe e chauffeur. Despues di atende cune a bay over na detencion. A pidi transporte policial y hibe e chauffeur warda. Eynan un subfiscal lo atende. E personal di Forensys a bay documenta e daño cu a keda atras ocasiona pa e chauffeur cu su Kia blanco. Hit and Run ta algo cu por costa bo libertad. E auto tambe polis a confisca.
