No falta mucho dia pa tin 11:11. Segun presidente di SMAC, Jason Brown, lo uza e oportunidad pa marca e dia, haci’e oficial manera tur aña. Aunke lo uza e oportunidad pa parti e premionan cu tabata tin di parti ainda di Carnaval 2020, cual debi na e pandemia, no a haya chens di parti.
Loke si lo bay tin ta e jingle, cual ta casi cla. Ruben Garcia y RBC ta encarga cu esaki.
Kico 2021 lo tin pa nos
Brown a splica cu ta preparando kico tur ta posibel pa juli, pa loke ta carnaval. Si e situacion mehora, e ora lo tin algun evento den juli.
SMAC, hunto cu e stakeholdernan ta evaluando kico tur por y kico no por y ki tempo por y ki tempo no por pa haci algun evento virtual pa carnaval.
Brown a splica cu a sinta cu Stichting Musica caba, cual ta un di e stakeholdernan. Ainda falta algun pa sinta cu ne pa wak kico tur ta posibel pa e aña cu ta bin.
Sentimentonan mixto
Awor aki tur hende ta bay sinta na wak y presencia e eventonan. Ta sentimentonan mixto si, segun Brown. Tin biaha kier sinti e calor di hende. Pa wak hende pasando bon, ta e parti di alegria pa Brown. Pero mester keda safe, mester keda mantene e reglanan di e situacion y pa Aruba keda safe. SMAC tambe lo mantene na esaki.
Sistema di Drive Thru
11:11 lo tuma luga den Caya Betico Croes. Pa medio di esaki, Brown ta invita e ganadonan di e carnaval di e aña aki, pa prepara pa pasa cu nan auto, full dorna carnavalesco y tuma e premio den un Drive Thru, pa asina por clausura e temporada di Carnaval 2020.
E evento lo tuma luga pa 5’or y 11 di atardi te cu 7’or di anochi riba dia 11 di november, cual ta riba diaranson.
Tambe ta invita tur hende pa presencia esaki virtualmente riba e pagina di Facebook di SMAC. E ta gratis, unda cu bo por disfruta y alabes keda safe. Si keda safe, e posibilidadnan pa nos carnaval ta bira mas grandi den futuro.
Brown a splica cu a sinta cu Stichting Musica caba, cual ta un di e stakeholdernan. Ainda falta algun pa sinta cu ne pa wak kico tur ta posibel pa e aña cu ta bin.
