Edgard Vrolijk ta presidente di Parlamento. E ta lidera e delegacion di Aruba na Hulanda pa e reunionnan di IPKO. Den su discurso e kiermen cu e tema di Geschillen Regeling nan lo atende. Ta un tema cu ta bay bin pa hopi tempo caba. E tres islanan ruman lo uni pa sali cu un front riba e tema.
E deficit democratico, segun Edgard Vrolijk, a bira mas grandi segun su pensamento. E presidente di parlamentario ta splica cu Hulanda ta haci mal uzo di e articulo 36 di Statuto. A mal uz’e ora Aruba a pidi yudansa. Asina a purba oprimi nos pais.
Tambe Vrolijk a splica cu nan lo toca e rapport di Ombudsman riba e studiantenan na Hulanda pa haci e transicion uno mas facil. Di mes na cas mes na Aruba mester atende cu e calidad di enseñanza y haci e doorstroom uno mas facil. E Presidente di Parlamento a splica cu den otro area di estudio mester traha riba dje. A constata cu e problema ta bira mas grandi ora nos studiantenan bay afo. E parti di schuldsanering ta hopi importante, segun Edgard Vrolijk. Nos no mester keda wordo oprimi door di Hulanda. Pa e proximo binti aña nos lo tin’e dificil si Aruba no aña saneamento di debe for di Hulanda. Nos no ta desea di bay den e rumbo cu nos no ta desea segun Edgard Vrolijk. Nos como Aruba so para den lucha cu Hulanda nos lo no logra.
Charetti America Francisca ta presidente di parlamento na Corsou y ta miembro di e fraccion di MFK. E tambe a toca e temanan unda e disputa y bon relacion den reino mester por resalta. Sclavitud y Colonialismo, studiante di Reino na Hulanda ta e temanan cu ta toca tur tres pais, segun Charetti America. E ta toca tur tres pueblo den reino Hulandes di e parti Caribense. E temanan di interes pa e tres islanan a toca nan caba sin yega na resolucion y palabracion final. Mester yega na un solucion final pa e temanan.
E parlamento di Corsou ta kere cu hunto como isla por yuda e studiantenan di Caribe cu guia y conseho emocional. Di e mesun forma si cada uno saca un man nos lo tin exito, segun Charetti America.
William Marlin e vice-presidente di parlamento di St Maarten pa partido National Alliance, a splica cu e ta spera cu tur hunto lo atende e temanan necesario pa yega na e solucionnan. E discusionnan bon orienta ta bon pa atende regardando e temanan cu lo tin cu presenta den IPKO. E parlamentario di St. Maarten tambe ta mira e aumento di prijs cu tin pa biaha den region. Y como parlamentario por pone e tema aki den agenda pa haya solucion pa yuda nos hendenan y nos economia. Ta bon cu ta sinta pa enfoca riba loke ta necesario pa nos pais.
