Na 2022, mas cu 475 mil pasahero a bula pa y for di e aeropuertonan di Boneiro, Saba y Sint Eustatius. Esaki ta casi 64 porciento mas cu na 2021 y 4 porciento mas cu na 2019. E cantidad di avion cu a bula di y p’e aeropuertonan aki tabata casi 14 porciento mas halto cu na 2021. Esaki CBS ta informa a base di e cifranan nobo.
Na luna di juli y december 2022 mayoria di pasahero a bula di y p’e tres aeropuertonan di Caribe Hulandes: 45 mil den ambos luna. Diasabra 19 di februari tabata e dia mas druk. E dia ey 2,5 mil pasahero a pasa via e terminalnan di Flamingo Airport na Boneiro, F.D. Roosevelt Airport na Sint Eustatius of Juancho E. Yrausquin Airport na Saba.
Mayoria pasahero ta bula for di y pa Boneiro
Na 2022 casi 432 mil pasahero a baha na of a sali fo’i Flamingo Airport na Boneiro; esaki ta 91 porciento di tur pasahero na Hulanda Caribense. P’e aeropuertonan di Sint Eustatius y Saba tabata respectivamente 5 y 4 porciento. E pista di aterisahe di Flamingo Airport na Boneiro tin tres kilometer di largura y esaki ta permiti e avionnan mas grandi aterisa. E pistanan di aterisahe na Saba y Sint Eustatius ta mas cortico, pues pa esaki ta bula cu e avionnan mas chikito riba e islanan aki.
Crecemento mas grandi den cantidad di pasahero aereo na Boneiro
Compara cu 2019 e aña pre-corona, tabatin 4 porciento mas pasahero na 2022 cu a biaha for di y p’e islanan di Caribe Hulandes. Tur e pasaheronan extra aki a biaha for di y pa Boneiro: for di 384 mil pasahero na 2019 pa 432 mil na 2022, un estrechamento di mas cu 12 porciento. E cantidad di bula di y pa Boneiro tabata hopi mas abao cu e nivelnan di 2019.
Mas vuelo for di y pa Saba
N’e aeropuertonan di Sint Eustatius y Saba hunto mas cu 8.6 mil vuelo efectua na 2022. Esaki tabata 44 porciento di tur e vuelonan di y pa Caribe Hulandes y 16.4 porciento mas cu na 2021. Juancho E. Yrausquin Airport na Saba tabata e unico di e tres aeropuertonan na Hulanda Caribense unda e cantidad di vuelo na 2022 a subi compara cu na 2019.
For di Saba y Sint Eustatius mayoria di vuelo ta sali y yega for di Sint Maarten
Tanto na 2019 como na 2022, mayoria di vuelo di y pa Boneiro tabata for di Corsou y Amsterdam; respectivamente 84 porciento y 78 porciento di e vuelonan. Mayoria di vuelo for di e aeropuertonan di Saba y Sint Eustatius hunto ta bay y bin for di y pa Sint Maarten, na 2022 esaki tabata 83%.
Aeropuerto Boneiro na 2022 di cuater aeropuerto di Hulanda
Na Flamingo Airport na Boneiro a efectua mas cu 11.2 mil vuelo na 2022. Boneiro ta na di cuater luga riba e aeropuertonan Hulandes despues di Amsterdam Airport Schiphol, Eindhoven Airport y Rotterdam The Hague Airport. Esaki ta conta tambe p’e cantidad di pasahero transporta.
Fuentenan:
StatLine – Caribisch Nederland; Luchtvaart, maandcijfers luchthavens (cbs.nl)
StatLine — Luchtvaart; maandcijfers Nederlandse luchthavens van nationaal belang (cbs.nl)
