Piano Lab hunto cu fondo Eduardo de Veer y otro partner ta pusha p’e Summer Music and Performance Camp. E camp aki ta pa mucha y hoben di 10 aña te 17 aña, unda nan ta haya oportunidad pa conoce un tiki mas di cerca nan talento.
Ta haci esey uzando instrumento di guitara, piano, pero tambe por skirbi y canta cantica. Tambe ta haci teatro y diseño. Joase-Ann van der Biest, relacionista publico di Summer Music and Performance Camp, a indica cu esaki ta algo nobo y pa prome bes Piano Lab lo ta ehecuta e tipo di Carusal Method Education p’e muchanan por conoce instrumento. Pero tambe nan por conoce nan talento, unda ta purba fomenta y alimenta e hamber cu nan tin pa arte y musica. Ta importante pa mucha desaroya nan mes den arte y musica, pasobra no ta papia solamente di arte unda ta siña di guitara of traha algo.
Na 2018 a in cu e idea pa duna e muchanan di Aruba oportunidad toca piano, haci uzo di piano acustico. Ivan Quandus, coordinado di Piano Lab di Fondo Eduardo de Veer, a splica cu Carlos Bislip a presenta un oportunidad pa crea un Piano Lab, caminda nan a crea un Piano Lab na Realto. Den e Piano Lab tabatin nuebe piano y actualmente Piano Lab ta funciona na Arubaanse Muziek School, cu ta Scol Rufo Wever.
Di esey e aña aki a nace e idea, door di pandemia y aña pasa no tabata tin actividad di Fondo Eduardo de Veer, pa bin cu un camp. E aña aki a dicidi di expande e les di piano y a duna mas oportunidad na mucha pa cuminsa sondea e posibilidad di por drenta mundo musical. A bin cu e Summer Music and Performance Camp, di cual tin piano, docente Carl Winklaar riba guitara, Kris Cross, p’e parti vocal y presentacion tin Paul Dumfries y arte ta Indira Stamper. Den un sistema di cambia e muchanan ta conoce kico ta come y bebe di musica.
Pa cobertura mas amplio, lesa e edicion di TREMPAN mañan.
