Sindicato di Polis (S.P.A.) a manda un carta di preocupacion riba e protocol di BGD. Hecho di esaki ta cu BGD a stipula esunnan cu ta vacuna y den cas tin famia cu a test positivo pa Coronavirus, e polis no ta bay den cuarentena. E miedo cu tin den Cuerpo Policial ta cu e por causa un cluster.
Segun e sindicato, ta sinti cu e polisnan ta demotiva riba e parti di evalua un toque de queda. Den e carta sindicato a haci tres pregunta y a haya un contesta bek. Prome Minister mr. Evelyn Wever-Croes a splica riba e situacion di W.E.B., a contesta riba e parti di sinti cu no ta envolve nan den decision importante y kier sinta na mesa. E mandatario a compromete cu asina tin minister di husticia nobo lo atende esey. Pa loke ta demotivacion di parti toque de queda, nan ta atendiendo cu ne y altocomisario tin atencion riba esey. E parti demotivacion no ta solamente den cuerpo, pero tambe mas caminda.
A manda contesta e sindicato por escrito cada punto. A informa nan cu e protocol ta basa riba e standard internacional y e no ta un regla di BGD, pero un protocol. Na momento cu hende ta den cuarentena, segun e mandatario ta costa nan placa, ta costa placa na SVb y dunado di trabou. Tambe a informa e sindicato cu e protocol aki ta conta pa tur hende.
Pa cobertura mas amplio, lesa e edicion di TREMPAN mañan.
