Presidente di parlamento mr. Edgard Vrolijk a laga sa bon cla. Pa ora bo drenta den ‘Big League’, bo mester sa tur regla. Esaki ta den cuadro di e incidente cu a tuma luga awe mainta ora cu a cera e reunion na momento cu no tabatin nomber skirbi riba e lista di orador.
Vrolijk a menciona cu manera tur institucion tin un procedura pa cana y a base di comentarionan haci riba cuenta di scondemento di papel, ta un ofensa completo contra e cuerpo cu ta traha den parlamento.
“Tur cos tabata riba e mesun caminda. Tur loke mester a haci ta pone nomber riba e lista di orador y esey no a pasa,” ta loke el a menciona durante e rueda di prensa prome cu e reunion a continua den parlamento.
“Si bo tin cu papia, bo ta pone bo nomber. Si no tin nomber riba e lista, tin cu cera e reunion.”
Pa mayor cobertura lesa TREMPAN mañan.