Diabierna anochi alrededor di 9:50 pm a sosode un accidente basta fuerte riba e caminda di Pos Chikito. Tabatin cuater auto envolvi den e accidente y un brommer. E motociclista a resulta seriamente herida. Debi cu tabatin un grupo grandi di otro motociclista na sitio, nan a cuminsa hala e chauffeur cu a ocasiona e accidente cu wanta.
E daño material tabata basta. Tabatin un di e vehiculonan envolvi, cu e taira tabata practicamente riba lomba di e motociclista. Materialen wagen di brandweer a presenta p’asina corta y lanta e auto pa saca e motociclista herida.
Mientras e polisnan a cera ambos band’i caminda, e specialista di trafico a percura pa cuminsa cu e proceso di investigacion. Pa mas o menos 11:40 PM a habri caminda bek. Na final a detene un chauffeur y a transport’e pa warda pa present’e dilanti un subfiscal.