Un manehador di brommer a scapa milagrosamente diamars atardi. Un chauffeur di un SUV a bin ariba for di Hospital. A yega riba Sasaki pero no a pone bon atencion y ora a bay pa subi rotonde a subi tambe un sportbike.
E manehador di e brommer a scapa pasobra cu e zweefarm di e brommer ta largo. Ora e auto a subi e brommer di patras, e brommer a cay den banda y e motociclista a keda para su so cu e brommer memey di su pia. Asina mes e chauffeur cu ainda no a realisa kico el a haci a sigui purba pusha te ora cu a bin ripara cu el a trapa un brommer grandi.
A dobla e chasis y kibra e zweefarm di e brommer. A avisa Forensys cu a presenta y documenta e accidente pa e seguro. No tabata tin herido pero si hopi susto. Por mira claramente con a pusha e asiento di e brommer full pusha dilanti. Asina mes e motociclista a scapa.
