Motiva e muchanan pa traha nan huiswerk

Trahamento di tarea ta hopi importante pa un mucha pasobra e ta contribui na e desaroyo di e mucha. Pero no ta tur mucha ta gusta traha nan huiswerk di scol.

E beneficionan di traha tarea di scol:

• Trahamento di tarea di scol ta prepara e mucha pa su siguiente les.
• E mucha ta corda y compronde e materia miho.
• E ta stimula e proceso di informacion y ta siña e mucha pa pensa critico ariba e materia trata.

Tips con pa motiva bo yiu pa traha nan tarea di scol:

• Sostene bo yiu durante e trahamento di su tarea

Ta importante pa un mucha sinti cu e tin e sosten y guia di su mayornan, famia y otro durante trahamento di su tarea. Si e mucha tin pregunta of duda, por atende esaki di biaha. E ta un sentimento agradabel pa e mucha, si bo dun’e sosten durante su trahamento di tarea.

• Percura pa tin un planificacion pa traha e tarea di scol cu ta cla y facil pa ehecuta

Door di parti tur e huiswerk den diferente pida ta pone cu e ta bira mas cla y facil pa ehecuta.

E ta menos trabou cada biaha. Tambe por comparti e huiswerk ariba diferente dia. Esaki ta duna espacio pa plania momentonan di ripiticion di e lesnan cu kisas e tin cu siña.

• Scoge un momento adecua y fiho pa trahamento di tarea

Door di scoge un momento adecua y fiho pa traha ariba e huiswerk di scol, ta evita un discusion entre abo y bo yiu. Pasobra bo yiu ta na altura di e palabracion pa cu e orario di trahamento di tarea y cu na e momento ey nada otro ta tuma luga. Si bo yiu sa kico ta spera di dje, e ta coopera miho.

• Recompensa esfuerso di bo yiu

·         Dun’e compliment

·         Lag’e hunga cu su co’i hunga nan preferi

·         Traha algo di smaak hunto p.e. un bolo, buscuchi y come hunto

           Ora bo yiu ricibi aprecio di bo, confiansa propio pa traha huiswerk ta crece.

Hunto y man den man, nos ta motiva nos muchanan!

Fuente:https://www.onderwijsvanmorgen.nl/ovm/de-effectiviteit-van-huiswerk/
y
https://www.bijles-bommelerwaard.nl/pedagogiek/vijf-tips-om-je-kind-te-motiveren-tot-huiswerk/