Monarch CPA LLC a cera aña cu un celebracion dobel. Ademas di clausura operacion pa 2022, a comparti cu cliente y amigo, e sede nobo di nan oficina situa na Beatrixstraat. Director di Monarch CPA LLC, Gilmar Chejito Croes tabata anfitrion di e anochi masha agradabel caminda a reflexiona riba loke a transcuri den e aña cu ta cabando, pero tambe a comparti su vision pa e aña cu ta bay habri.
Den su discurso Croes a splica con universo tin un manera di pone tur cos na su luga y a trece su compania bek na un luga di nificacion special, ademas di experiencia un crecemento considerabel.
E director a expresa su gradicimento na clientela y ekipo di Monarch CPA LLC pa nan confianza y dedicacion. “Nos sa cu aña 2023 ta bay tin su retonan, pero cu reto ta bin oportunidad y pa e oportunidadnan ey nos ta bay ta aki cu bo,” el a expresa.
Mas aleu a indica tambe cu 2022 tabata un aña hopi interesante, pero cu a trece tambe e mudamento pa e edificio nobo caminda nan tin dies luna caba. “Tin ora bo mester sa ki ora pa tuma risico of no y den e caso aki a dicidi di tuma un cu a resulta toch di nos banda hopi bon,” e director a comenta. Su tras ta splica cu esaki no ta kita cu tin yen reto cu a presenta den 2022.
Retonan cu ta bay continua den 2023, specialmente door di tur cambio fiscal cu a sosode na final di 2022. Croes: “Naturalmente nos ta bay keda yuda plania, hunto cu nos clientenan, pero alabes tambe un cambio grandi cu nos ta bay mira ta di duna mas informacion na e mundo corporativo cu tin ey’fo y nan por haci pa ta mas exitoso.”
Los di e servicionan tradicional cu Monarch CPA LLC ta brinda den e parti di accounting, belasting, advisory y consulting, ta bay purba di duna mas informacion, presentacion pa asina tur hende y hasta un entrepreneur nobo cu idea pa lansa un negoshi, haya un extra motivacion cu informacion y tambe por ta exitoso den aña 2023.
Esunnan interesa pa conoce mas di Monarch CPA LLC of bira un cliente, por tuma contacto a traves di diferente media, website www.monarchcpallc.com, Facebook: Monarch CPA LLC, Instagram y Linked In. Tambe por manda email na [email protected] y por yama na 290-1380.
