Aña escolar 2023-2024 sigur ta uno di gran importancia pa Mon Plaisir HAVO/VWO ya cu e aña aki nan ta celebra nan prome graduadonan.
Richelle Noel, rector na Mon Plaisir HAVO/VWO a conta cu e historia di HAVO/VWO a cuminsa cinco aña pasa y mes a cuminsa dos aña pasa. A cuminsa cu dos klas chikito na e edificio di MAVO y tikitiki e scol a cuminsa crece y nan mester a muda pa nan locacion actual, ya cu ainda nan no tin nan un edificio di nan mes. Cada aña e klasnan a amplia y dos aña pasa tabata e prome aña cu nan a habri HAVO-4 y V-3. E aña aki nan a cera e HAVO unit. Pocopoco nan lo cera e V-afdeling cu ta bay cu V-6.
Noel a indica cu nan ta hopi satisfecho cu nan prome aña cu nan cantidad di graduadonan. Nan tabatin un dos klas di HAVO-5 pa un total di 37 mucha cu a bay examen, di cual 70% di nan a slaag. Meta di e scol ta pa nan mantene e scol chikito p’asina nan por sigui traha riba e calidad di enseñansa y e docentenan por traha cu e mesun entusiasmo y pasion.
E mucha n’e scol no ta un number, pero e ta un persona unda nan kier guia pa e logra yega su metanan. Pa haci nan un ciudadando di mundo. Nan no ta djis un scol, nan ta mas cu enseñansa. Pa logra esaki mester ta innovativo y bay mee cu e futuro generacion mester.
Pa djis wak con e conteo final tabata pa wak con bon e team a traha hunto pa nan por a trece e anochi di resultado di un manera extraordinario.
