Awe Mon Plaisir College a organisa un carrousel cu tin como tema ‘Self Awareness’. Unda cu a invita diferente instancia pa bin duna informacion rond di e tema aki na e studiantenan.
Segun director interino, Gislenne Semerel, a habri e mainta cu pastoor Joel Janssen, di Hesus Biña Nobo cu a haci oracion cu e studiantenan y a duna un tremendo mensahe.
Despues di esaki tabatin interpretacion di e hobennan di Youth Ministry Movement, cu ta causando furor cu nan cancion nobo.
Ta contento di por tin e hobennan e mainta aki pa nan por comparti nan experiencia cu e studiantenan di e scol.
Famia Planea, Telefon pa Hubentud, Aduana, Brandweer, Fundacion di Maneho di Adiccion tambe tabat’ey presente y por a comparti cu e hobennan informacion valioso.
Pa Mon Plaisir como scol ta importante pa traha riba e formacion completo di e alumno. Como educador e rol no solamente ta pasa conocemento di materia na e hobennan, pero tambe e aspecto di disciplina, norma y balor, habilidad social. Tur esaki ta hopi importante pa ora cu e alumno gradua, e ta bon prepara y ta un adulto mañan responsabel pa nos comunidad.
Pa cobertura mas amplio lesa edicion di TREMPAN mañan.
