Dam di Moko for di marduga ta na candela diadomingo. E huma cu ta bay direccion pabou ta algo cu lo molestia esnan di Moko, Soledad, Sero Janchi, Tanki Flip, Boegoeroei, Bubali te cu area di hotelnan na Eagle. For di marduga bomberonan a yega y cuminsa paga candela. A haya refuerso pa mas awa. Asina mes no a logra paga e candela. Dado momento a stop e esfuersonan di paga e candela. Varios caminda den e dam tin candela. Tin hopi sushi dera cu ta dera parcialmente. Tur esaki a cende y huma ta sali for di bou tera causando un problema pa esnan cu ta biba kilometernan leu di e dam di Moko. Bomberonan despues di algun ora a bandona e sitio. Tin caminda cu bomberonan no ta yega pa basha awa y calma e situacion. E molester aki lo dura sigur algun dia. Tiramento di sushi den dam causando un dump por bin cu su consecuencianan manera esun aki diadomingo marduga. A tilda un bisiña di a cende e candela. E no a aprecia esaki. Polis tambe a pasa y tuma nota di e situacion.
