Miss Teen Aruba International ta diadomingo 17 di juli den Cas di Cultura.
Ban cera conoci cu Candidata No. 2
Conta nos un poco di bo mes ?
Mi nomber ta Ginayla Hernandez, un hoben dama di 19 aña di edad bishitando Colegio EPI unidad Economia Administration. Fun facts pa conocemi miho ta
Hobbies: Mi gusta baila, modela y make up.
Color faborito: Cora, Roos , blauw mint
Cancion cu mi gusta ta di Karol G
Cuminda cu mi gusta ta: Pasta alfredo
Destinacion: Grecia
Kico ta bo plan pa futuro ?
Mi meta y plan ta pa caba mi studio manera mester ta y pa yega mas leu cu ta posibel den mi profesion.
Kico e temporada aki di Miss Teen a representa p’abo ?
E temporada aki a comproba cu di berdad tur meta y soño por wordo realisa cu determinacion y disciplina. Ta un solo persona mi ta bay demostra tur loke mi por y e persona ey ta ami mes.
Kico p’abo ta beyesa ?
Bo mester ta flaco, halto, tin bon cabey, esey ta loke sociedad tin como pensamento di beyesa pero al final di dia nos tur ta diferente y humano. Sigur apariencia fisico ta hunga un rol pero loke ta haci abo bunita ta un persona educa, un persona cu respet y amor.
Kico ta bo mensahe pa hubentud ?
Caba bo estudio, aporta y haci cos nan positivo pa bo mes y pa bo pais, logra bo metanan. Cada minuut di bo aporte, ta un minuut di motivacion y enseñansa na un otro hoben.
Nos tur tin soño den bida, pero si nos no traha riba nan, nan no ta wordo logra, enfrenta bida cu balor y determinacion.
Si bo representa Aruba den exterior, kico lo bo destaca di Aruba ?
Sigur sigur e amabilidad caluroso di nos Arubiano. Mi personalidad lo ta e yabi pa bende mi isla y nan bin bishit’e y disfruta di tur loke nos tin pa ofrece: di lama mas bunita te na e cuminda crioyo di mas dushi di Aruba.
