Recientemente a bin afo diferente video unda cu na un crèche ta maltrata mucha. Hopi ta esunnan cu a mustra malcontento di loke a of ta pasando eynan. Parlamentario Raymond, kende ta vocifera hopi bes riba derecho di mucha, ta haya cu algo asina ta inaceptabel y no mester pasa.
Misha Raymond, Parlamentario (RAIZ), a indica cu di mira algo asina aki ta kibra tur hende nan curason pa mira kico mucha a of ta pasa aden na man di e hendenan cu no ta respeta nan derechonan. “Nos tin cu stop. Nos tin cu haci miho”, e Parlamentario a expresa.
Esaki no ta conta solamente p’e crèchenan, sino henter comunidad. El a expresa cu e muchanan tin derecho. Esey ta e motibo cu Parlamento ta den e ultimo fase di introduci e derechonan di e muchanan den constitucion. Un di e articulonan ta cu e muchanan tin derecho di no ta abusa.
Esey ta significa tur ley cu tin buraco pa proteha derecho di mucha, lo mester cumpli cu e derecho constitucional di e muchanan. E Parlamentario a indica cu el a habri su campaña ta lucha pa mucha y e lo sigui haci esey. E ta haya cu esaki ta pone hende refleha dicon e lucha ta mas importante cu nunca.
Pa mas lesa TREMPAN.COM.
