“Op een afstand maar toch dichtbij” ta titulo di e rapport investigativo traha door di Contraloria General di Aruba den e periodo di 2017 pa 2020. Den esaki a analisa seis empresa of fundacion di gobierno. Aunke cu nan ta” independiente” toch ta di gobierno, y ta afecta pa gobierno su forma di actua of laga di actua. Un di nan ta Post Aruba. Un servicio cu gobierno ta haci uzo di dje, pero no ta cumpli cu nan.
“Mi ta na altura di e situacion financiero di Post Aruba,” Minister Geoffrey Wever, kende ta responsabel pa e servicio aki, a duna di conoce. Tin diferente investigacion a tuma luga , incluso uno realisa door di e compania di accountant PWC.
Pero tambe e mandatario ta admiti cu tabatin un debe pa servicionan brinda of cumpra di Post Aruba. Di otro banda e empresa aki tambe tabatin tin un debe di e primanan. Ta trata di yega na un formula pa un ta compensa e otro, esta kita loke cu debe na belasting for di e placa cu gobierno mester paga Post Aruba.
E plan aki ta den preparacion y pa otro siman ta spera di por bini y presenta e plan di reorganisacion na Post Aruba N.V.
