Minister di Asuntonan Economico, mr. Geoffrey Wever, a bay Surnam cu un delegacion, esta Mision Comercial. Durante e bishita aki nan a bishita diferente luga, pero tambe a tene contacto cu empresarionan. Un di e camindanan cu e mandatario a bishita ta waf.
E mandatario a splica cu nan a haya invitacion di parti e waf di Surnam. Esaki tabata pa nan mira e parti logistica riba waf ta bay. Aki a haya e splicacion cu tin dos operador, con e proceso ta cana. Tambe a cera conoci cu e CEO di e empresa p’asina nan sa cu Aruba ta interesa y tin contacto cu otro. Esey ta aglo importante.
Wever a splica cu na momento cu regresa Aruba, nan por “leg aan” e contact y esey ta algo cu ta bin di e Gobierno di Aruba, di cual ta busca e sosten p’e comerciantenan riba e nivel aki. Aworaki riba e nivel di gobierno tin atencion, pero awo tambe riba e companianan di transporte tambe riba e nivel di porters.
Aki tin tur e “players” importante cu ta na altura cu ta compronde e deseo di Aruba. Minister Wever ta kere cu esey lo yuda ora tin container of e comerciantenan di Aruba activo sa cu esey ta parti di e resultado di e “Trade Mission.”
E waf tin estableci caba un aliansa cu Caribe Hulandes. Riba esaki e mandatario a splica cu nan a bishita un di e operadornan cu ta un empresa grandi y tin varios inversion den diferente area. E operador aki ta den seguro, Real Estate, tambe den diferente parti di Reino, tambe na Hulanda. Nan tin interes comercial caba na Aruba. Ya caba nan tin un partner na Aruba y esey lo facilita mas e parti logistica.
Wever ta haya cu e tabata bon cu nan a tene e combersacionnan aki pa compronde kico ta e constelacion. Tambe kico ta e opcionnan y con pa pone e contactonan nobo cu nan a cera.
