Pa dos dia e comerciantenan di Aruba cu ta forma parti di e delegacion di Mision Comercial ta participa den B2B. Camara di comercio tin un trabou grandi pa haci hunto cu Surnam pa organisa esakinan di antemano.
mr. Geoffrey Wever, Minister di Asuntonan Economia, a splica cu nan a percura cu cada comerciante tabatin diferente empresa Surnameños pa papia cu nan. Aki pa mira ki tipo di producto nan por cumpra y con por yega na un entendimento comercial.
Esey tabata gran parti di e obheto of meta di e mision aki, e parti politico manera nan ta haciendo. Tambe cu e comerciantenan por a cera conoci cu e empresarionan di Surnam. Asina ey nan por sa con pa acudi y splica kico ta nan necesidad. A scoge basa riba nan interes cu nan tin.
Si ta un persona den mundo di servicio naturalmente e no ta bay papia cu un productor di palo. E mandatario a sigui splica cu ta purba di “match” nan cu e empresanan cu ta “make sense” pa nan. El a expresa di ta haya hopi positivo cu e ta bayendo di un forma bon.
Nan a organisa e encuentro aki n’e hotel unda nan ta kedando y esey ta hacie hopi mas facil pa e comerciantenan. E parti importante cu tin di e mision aki ta e agenda mas diplomatico politico cu Wever ta tene cu e director di Economische Zaken, director di Camara di Comercio y director di ATIA.
Di otro banda tin e delegacion comercial. Y nan ta sinta cu e negoshinan na Surnam. Aki nan ta purba di haci loke nan ta haci bon y esey ta hacimento di negoshi.
