Na EPI ta sinti cu tin un preocupacion chikito riba cierto cambio of decisionnan di gobierno, riba cierto asuntonan di examen cu mester ta controla, etc. E tempo, espacio y cu por causa cu ta perhudica gruponan di studiante.
Minister di enseñansa, Rudy Lampe, a splica cu docentenan di EPI unidad tecnico, a solicita un cambio cu nan por haya mas dia pa asina por yega na e resultado di examen di e studiantenan. E tabata den e ultimo temporada tabata cinco dia. Prome tabata un otro areglo, pero prome tabata cinco dia. Dentro di cinco dia mester presenta un resultado, pero nan a propone pa bay bek na un sistema di 10 dia maximo pa nan por entrega resultado di examen.
Minister a scucha nan y a manda un carta algun dia pasa unda cu ta informa e leiding di EPI, manera cu a manda un carta anterior caba tambe, cu eigenlijk e discuson no ta si ta cinco of dies dia. Pasobra e ora ey ta dirigi e discusion den un rumbo robes. E discusion mester ta si realmente kier perhudica of no perhudica e studiantenan. Na final di cuenta, enseñansa tey pa sirbi e studiante. Bo cliente ta bo studiante. Y tur cos mester draai rond di bo studiante. Tin cu sirbi nos studiantenan. Si e docentenan na final di cuenta, loke ta trata ta, nan coreccion di examen, e resultado di examen, mester ta haci den tanto dia, sin cu e ta perhudica e studiantenan.
Si a haci’e den tres dia of den shete dia, sin cu bo a perhudica e studiante, esey ta ok. Kiermen mester sali for di e discusion si ta cinco of shete dia y enfoca riba kico realmente ta na interes di e studiante. Esey ta e contesta ultimo cu a manda EPI.
No ta perhudica
E docentenan mester organisa nan tempo di tal manera cu ningun studiante ta sali perhudica di e resultado di examen pa motibo cu un maestro no a entrega resultado na tempo y ta pone cu nan ta sali perhudica. Esey tin cu evita.
Feedback
E minister no a haya reaccion ainda. Tabata siman pasa cu el a reuni cu e Algemene Directie di EPI y a pone nan na altura di e ultimo carta cu el a manda pa e docentenan y ta sperando ainda un reaccion. E minister ta kere cu tur cu ta traha den enseñansa, mester tin un consenso cu na final di cuenta ta e studiante ta central. Ta nan tin cu sirbi y cu no por perhudica nan.
Ki lo pasa cu e studiante
E studiante tin cu warda te otro aña escolar pa wak kico lo ta e follow up di su situacion y esey e minister no ta permiti. E ta kere cu ta fundamental si ta e studiante ta sirbiendo y si tin mester di por ehempel un tiki mas cu cinco dia, pero ainda e ta cay dentro di e periodo cu no ta perhudica e studiante, e ora ey e minister por biba cun’e. E no kier mara su mes na un fecha di cinco of dies dia, sino enfoca kico ta e interes cu tin cu sirbi, cual ta e interes di e studiante.
