Durante e celebracion di e di 5 aniversario di existencia di FEDAA, cu a tuma luga na MFA na Paradera, minister di enseñansa, Rudy Lampe a hiba palabra. El a splica cu e mes no a spera un celebracion asina formal, mirando cu el a bin cu wayabero.
E mandatario a cuminsa cu un punto di reflexion. Ainda den nos comunidad, nos tin dificultad pa acepta hende manera cu nan ta. Un bibo ehempel ta Parlamentario Ricardo Croes, kende tin un deficiencia auditivo. Pesey e ta papia duro. Hende ta yam’e arogante. Pasobra e ta papia duro, grita di biaha y ta sinti como sifuera cu e kier impone. Pero esey ta e parti di falta di aceptacion, ora cu un persona tin cierto limitacion. E palabra y caba, limitacion of deficiencia, e minister no gusta uz’e, pasobra e ta haci como si fuera ora cu e no ta funciona of e ta limita, ta algo negativo.
Awor aki, segun e minister, a cuminsa pensa cu tanto e palabra pa esnan cu tin deficienia, pa esnan cu limitacion, eigenlijk no mester reflexiona riba e palabranan ey pa uza, pasobra nos tur, di un manera of otro a nace deficiente. E unico cu ta perfecto ta nos creador.
Pero, pesey ta bon pa nos pone enfoke riba e otro parti. E minister a gusta ora cu den conferencia anterior, un persona cu a papia di esnan cu necesidadnan special. E di toch, hasta e palabra ey, esnan cu necesidad special, no ta completamente corecto. Mester papia di esnan cu talento special.
Pakico
Unda bo tin limitacion, por ehempel di bista, bo ta desaroya habilidadnan cu otronan no tin. Tin hende cu tin limitacion di bista, riba olfato, nan ta haya un un cas. Esaki ta pasobra cu nan a desaroya e habilidad mas cu otro. Esnan cu deficiencia auditivo, a desaroya otro habilidadnan di ta enfoca riba e persona. Nan ta observa, nan ta mira, nan capacidad di lesa bodylanguage ta presente. E atencion special ey pa e otro cu ta papia cubo, pasobra otronan por ta, ta mira otro cos. Pero esaki ta un habilidad special cu bo ta desaroya ora bo tin e deficiencia auditivo. Pesey e palabra ey e minister a gusta, pa nos cuminsa papia di esnan cu talentonan special.
Den e sentido ey, e minister a felicita e fundacion y tambe sra. Stella Montsanto, y tur esnan cu ta haci e trabao noble aki, pa yuda pa no tin barera, pa no tin descriminacion di ningun hende den nos comunidad.
Esnan cu ta den e fundacion aki, ta haci e trabao voluntario, sin ningun interes personal, pa yuda e parti aki di nos comunidad, pa nan sinti nan integra, parti di nos sociedad. E minister ta kere cu esey ta e minimo den nos comunidad. Por mira un prome 5 aña y awo ta bay pa e siguiente lustro di e fundacion. E minister ta desea e fundacion hopi exito, pa sigui concientisa nos comunidad, pa acepta tur hende manera cu nan ta. Tin cu traha pa un comunidad, unda ya no tin descriminacion y sigui cu e reto pa esnan di e grupo aki por haya integracion pleno den nos comunidad, cuminsando cu trabou pa un y tur. Pasobra, no por ta asina aki cu pa e motibo ey, bo no ta haya un trabao. Na otro paisnan ya nan a bay nos dilanti. Ora bo ta bishita diferente luga. Bo ta wordo atendi y sirbi. Gobierno tin cu cuminsa duna e ehempel ey cu no ta pa e motibo ey bo no por tin un trabao, si bo wordo acepta completamente como un miembro integral den nos comunidad. E fundacion ta trahando pa e meta aki. No solamente nan tin mester sigui riba e caminda aki, pero tambe nos comunidad eyfo, tin e reto tambe pa acepta un y tur, manera cu nan ta. Tin hopi trabao p’adilanti. Por ultimo, e minister a expresa cu e fundacion por conta cu e gobierno.
