Minister di Labor y Stranheria, Glenbert Croes den un conferencia di International Labour Organization (ILO) na Suisa, a tuma nota di un rapport di United Nations High Commissioner for Refugees (UNHCR). E rapport Global Trends 2023 a indica cu un di cada cinco habitante na Aruba ta un refugiado. Aunke oficialmente no tin esaki registra di e forma ey. E mandatario a informa cu asina e yega Aruba, lo sinta na mesa cu tur organisacion concerni.
E progreso economico impulsa pa e crecemento turistico, a absorba hopi di e stranheronan cu a yega Aruba y a keda aki di forma ilegal. “Asina cu mi yega Aruba lo mi convoca tur stakeholder …, despues di discuti esaki na nivel di gobierno.”
Lo percura cu lo sigui cu e acercamento actual, unda cu por medio di e politica di integracion cu ta promove lo atende hopi di e tema aki. Pero, e ta bisa, mester reconoce tambe cu Aruba su espacio como isla ta limita.
Di otro banda, tin diferente hotel kedando cla cu construccion of ampliacion di nan propiedad y lo bay tin mester di trahado adicional, mientras cu e hobennan local no ta cla pa drenta mercado laboral ainda.
Banda di sector turistico, ta trahando riba otro pilar economico, otro industrianan manera di energia sostenibel. Esaki ta trece un variacion di oportunidad, e mandatario a bisa.
Pa relato amplio, lesa TREMPAN.
