Minister di Labor, Integracion y Energia, Glenbert Croes, a presenta na Parlamento di Aruba pa e reunion di presupuesto supletorio cual a inicia diamars y a bay te den marduga di diaranson. E reunion no a keda cla y a continua awe. Un cos cu ta importante ta cu e finansas publico mester ta na ordo pa asina mantene pueblo contento.
Minister Croes a indica cu e ta contento cu e presupuesto supletorio pasa, pasobra e trahadonan lo haya pago. Como Minister di Labor e no ta eynan solamente p’e trahadonan den sector priva, pero tambe p’esunnan di sector publico. P’esey e ta spera cu entusiasmo e momento yega cu Parlamento mester vota p’e presupuesto supletorio, e ambtenaarnan, gelijkgestelden,m trahado cu ta den fundacion haya pago di cual gobierno ta kere cu nan tin derecho riba dje.
Pa loke ta e reunion e mandatario a indica cu e debate ta uno duro y den e proximo simannan of luna e lo bira un tiki mas duro. El a enfatisa cu no tin ningun caso riba su persona. Den e di dos tanda el a duna Parlamento na e coleganan cu a pidi p’e reunion “un tiki sabor” ora e mester defende su mes. Si nan bay ataca su persona, e no lo trata nan cu handschoen di seda, unda e lo defende su integridad, gestion, maneho y purba pone cos den contexto.
Loke ta mas importante ta cu nan trabou ta continua. Manera el a bisa den Parlamento, tanten procede recto, compaña su maneho, cu e t’ey y e confiansa di mayoria den Parlamento, cu confiansa di comunidad unda por realisa tur obra y proyecto cu nan mester haci den interes di e pais, e mandatario ta keda bay dilanti. El a expresa di keda haci su best p’e pais.
El a regresa fo’i mision di Spaña. El a indica cu 24ora.com tabata presente na Suisa, Geneve, pa ilustra riba e importancia di proyeccion internacional di Aruba. Aruba a saca cara pa Sint Maarten, unda a para schouder cu nan. Despues a bay Spaña p’e parti energetico. Croes ta mira un futuro briyante pa Aruba.
Tin problema cu mester atende cu nan. Un di e cosnan cu mester atende p’e futuro di pais ta cu e finansas publico mester ta na ordo. “Bo mester tin bo pueblo contento, bo hendenan”, el a expresa. Den e caso aki ta toca e pago n’e trahadonan di gobierno, gelijkgestelden y nan ta bay cumpli cu esey. Solamente nan ta warda cu gran ferfor e momento di votacion yega y asina ey ta pasa p’e siguiente desafio cu tin.
