E situacion di Post Aruba NV ta sigui caotico. Mester reorganis’e. E aña aki parce cu no a tende nada nobo pa loke ta su situacion y e posicion laboral dje trahadonan.
Minister Geoffrey Wever a indica cu no por bisa mucho ainda, ya cu tin algun decision den preparacion. E ultimo update tabata cu e ‘doorlichtingsrapport’ ta cla, cu ta duna indicacion di accion cu mester tuma.
Tin hopi cos cu tin cu sosode den post. Tempo cu Wever a bira minister, tabatin un situacion di ‘onduidelijk’, no sa con e compania ta hinca den otro y con su situacion ta.
Awo cu e ‘doorlichtingsrapport’ ta hopi cla y a pidi e consultantnan pa por yuda cu e di dos fase. Un cos cu ta identifica tur e problemanan, pero awo tin di tuma decision pa reorganisa e compania.
Riba e situacion di e empleadonan, Wever a informa aña pasa a informa nan cu no tin fondo pa aumenta loke nan tabata pidi p’e como aumento automatico. A bisa cu no tin espacio financiero p’esey y a informa e empleadonan debidamente. Cu tin algun otro incertidumbre n’e momento aki, no ta conoci p’e minister.
