Despues di algun luna di preparacion awe nochi Minister di Asuntonan Economico, Comunicacion y Desaroyo Sostenibel, Geoffrey Wever, Camara di Comercio Aruba (KVK), Departamento di Asuntonan Economico Comercio y Industria, y Aruba Trade & Industry Association (ATIA) hunto cu delegacion comercial ta sali awe, dialuna, pa Surinam pa un TradeMission te cu dia 28 di juni.
Hunto cu e delegacion Minister Wever kier explora e posiblidadnan di comercio cu Surinam y asina purba stimula mas actividad comercial entre e dos paisnan.
Surinam, manera ta conoci, ta un pais cu ta exporta azeta, oro, metal, palo, productonan pa construccion y mucho mas. P’esey e importancia di bay hunto como delegacion ta demostra tambe e interes y e seriedad di e mision aki. Comerciantenan local lo haya e oportunidad pa netwerk, combersa y intercambia ideanan cu diferente comerciante Surnameño na Surinam.
Durante e estadia di Minister Wever y su delegacion lo topa cu diferente mandatario di Surinam durante e Trade Mission aki manera Chandrikapersad Santokhi Presidente di Surinam, Minister di Agricultura, Cria y Pesca Parmanand Swedien, Minister di Economia, Empresarial y Innovacion Rishma Kuldipsingh, Minister di Transporte, Comunicacion y Turismo Uraiqit Ramsaran, Minister di Finansas Kermechend Stanley Raghoebarsing.
Banda di esaki lo bishita tambe Suriname Investment & Trade Agency y diferente compania di transporte na Surinam.
Minister Wever kier a gradici KVK, DEZHI y ATIA pa nan empeño pa por haci e mision comercial aki posibel y tur comerciante cu ta parti di e mision comercial.
