Durante diahuebs mainta cu tawata e ultimo dia di e bishita di e mision comercial na Surnam, Minister Geoffrey Wever y delegacion di Aruba a reuni cu e mandatario di Agricultura, Cria di Bestia y Pesca di Surnam Minister Parmanand Swedien.
Minister Wever a indica cu durante cu a reuni cu Minister Swedien “a splica cu hunto cu Minister Ursell Arends di sector primario ta stimulando agricultura comercial na Aruba, entre otro pa medio di a incorpora Agrifunds, organisa Agri Business Academy, trahando riba e Agri Innovation Park y door di haci estudionan riba e tereno di agricultura comercial, investigando cua berdura por ta miho pa nos cultiva y cu ki tecnologia lo haci esaki”.
Topiconan di e combersacion tawata durante e encuentro tawata: Intercambio di personal di Santa Rosa y DEZHI di Aruba cu e departamento di agricultura y economia di Surnam pa un periodo, pa asina tin intercambio directo di conocemento. Tambe a papia di e posibilidad pa studiantenan di EPI y Universidad di Aruba por haci un stage na Surinam pa por experencia con e agricultornan na Surnam ta opera. Un opcion interesante cu Surnam ta brinda ta encuanto tereno pa agricultornan di Aruba cultiva na Surinam pa exporta pa Aruba.
![](https://24ora.com/wp-content/uploads/2024/06/HY3A5316-1920x1280.jpg)
“Un oportunidad interesante ta pa “match” inversionistanan di Aruba cu ta busca oportunidad di inversion y agricultornan na Surnam cu tin conocemento di agricultura, pero kisas no tin acceso na financiamento. Nos a palabra cu nos ta bay stimula e “matchmaking aki”, segun Minister Wever.
“E intercambio tawata sumamente interesante y nos a palabra cu e simannan nos dilanti nos lo bay traha riba un ‘framework’ pa formalisa e intencionnan. Mi ta hopi entusiasma pa cu e oportunidadnan aki cu Surnam por ofrece Aruba”, segun e mandatario a indica.
![](https://24ora.com/wp-content/uploads/2024/06/HY3A5305-1920x1280.jpg)
![](https://24ora.com/wp-content/uploads/2024/06/HY3A5288-1920x1280.jpg)
Minister Wever a mustra cu e prome paso a tuma luga, Surnam a manifesta di ta interesa den haci e proceso aki. E siguiente paso lo ta na momento cu bolbe Aruba pa por papia cu e sector comercial y wak kende lo por tin interes pa bay den un proyecto asina. Finalmente e mandatario a mustra cu “no ta algo cu por haci di awe pa mañan, pero mester hacie di forma structura cu tur hende ta haya un fair chance”.
![](https://24ora.com/wp-content/uploads/2024/06/HY3A5315-1920x1280.jpg)
![](https://24ora.com/wp-content/uploads/2024/06/HY3A5309-1920x1280.jpg)
![](https://24ora.com/wp-content/uploads/2024/06/HY3A5303-1920x1280.jpg)
![](https://24ora.com/wp-content/uploads/2024/06/HY3A5298-1920x1280.jpg)
![](https://24ora.com/wp-content/uploads/2024/06/HY3A5296-1920x1280.jpg)
![](https://24ora.com/wp-content/uploads/2024/06/HY3A5287-1920x1280.jpg)