Un 1/5 parti di e poblacion di Aruba ta ‘financially illiterate’, ta loke cu Minister di Asunto Economico, Comunicacion y Desaroyo Sostenibel mr. Geoffrey Wever a comenta den un entrevista cu Enfoke. Ki efecto esaki tin p’e cartera di cada hende. Eynan, como gobierno tambe tin un tarea hopi grandi. Por ehempel den e cartera di Wever tin e Dienst Huur en Consumentenzaken. E ta un departamento cu mester mucho mas peso pa informa nos pueblo kico nan derecho ta ora cu nan ta haci transaccionnan financiero of comercial. nan mester e proteccion ey.
E ta conta tambe pa casonan di huur. Mester tin un proteccion y tin cu haci e transformacion caminda nos mesun hendenan tambe ta crea rikesa. No solamente pa companianan di afo. Na final di dia, tur inversion na Aruba ta paga cu interes. Tur inversion di gobierno ta paga cu interes. Ken ta paga e interes? Ta nos mesun hendenan a traves di belasting.
Aworaki si bin un inversion di afo, ta paga un compania di afo pa fia placa, pero ken ta paga e suma aki? Ta for di nos mesun hendenan. Tin suficiente placa riba mercado di Aruba cu ta yega na otro cifra. Tin mas of menos 1 biyon di placa den nos banconan.
Tin placa riba nos mercado. Pero loke tin cu haci ta haci e transformacion y percura p’e capital keda aki tambe, dunando nos mesun hendenan e chens pa participa den productonan financiero.
Cu Bitcoin ta un parti hopi chikito di esey. Tin un grupo cu ta interesa den esey. Pero e pregunta ta pakico mester limita nan.
Centrale Bank no ta limita nan. Tin regla por ehempel cu no por yega subi mercado y pidi placa na tur hende. Tin regla di Banco Central cu ta preveni esey. Tabatin un debacle cu Stanford cu hende a inverti y perde miyones.
e ‘trashold’ tabata mucho chikito, pero despues ta cambi’e. Si pidi riba un miyon florin no mester permiso di Banco Central. Anteriormente e tabata 100 mil. Hopi hende n’e momento ey cu tabatin un tiki mas di 100 mil florin inverti. Pero no tabatin e proteccion. Gobierno di Aruba y Banco Central tambe tin e tarea pa proteha e mercado y e consumidor. Por imagina si tur cos ta liberalisa cu no tin ningun tipo di control y proteccion. e por tin consecuencia pa hende cu no tin e capacidad pa evalua kico e riesgo nan ta.
