Den conferencia di prensa Minister di Economia, mr. Geoffrey Wever, a anuncia un mision comercial pa Surnam. Minister ta haya cu e departamento di Aduana ta bon ekipa pa haci nan trabou di control.
A puntra e mandatario con cla e departamento di Aduana ta pa eherce e controlnan, pasobra hopi bes e paisnan manera di Colombia of Surnam ta vulnerabel pa loke ta contrabanda. Minister Wever a indica cu Aduana ta hopi bon ekipa. E departamento aki tin tecnologia y experticio pa haci e controlnan necesario.
Ta importante y responsabilidad di parti gobierno pa percura di tin un balans di control debido pa evita di tin importacion di producto di contrabanda. Tambe pa no stroba e importacion y tin di haci esey di forma acelera.
E mandatario ta di pensamento cu e departamento di Aduana ta ekipa pa haci esey. Segun Wever, semper e ta den contacto cu Aduana. Incluso e gremionan mes ta hopi activo den esaki. Tin hopi bon comunicacion entre Aduana, Departamento di Impuesto y regularmente ta tene sesion hunto pa stimula cu e proceso ta bay den forma mas acelera.
Na momento cu esaki bira algo mas frecuente tanto di parti gobierno y di ATIA, lo bay tin mas intercambio. Tambe lo tin mas “overleg” pa purba acera e procesonan y percura cu e control bay na un forma debido.
