E siman aki Minister di Enseñansa y Deporte, Endy Croes tin un reunion pendiente p’e situacion di werkster di SKOA. Tambe e lo reuni riba eigenbijdrage y aumento di schoolgeld. Durante rueda di prensa di gobierno, minister Croes a menciona cu el a cana un trayecto. A forma un comision caminda cu SKOA, DWJZ, Directie Financien, CAD tambe a participa den dje, como tambe un register accountant cu a trek esaki. E minister a menciona cu na caminda tabatin un poco turbulencia, mirando cu kier a haci esaki mas obhetivo posibel.
Tin un ‘bevindingsrapport’ riba mesa cu SKOA a mira e prome siman di februari, unda cu e minister tabata presente. El a pidi pa henter e directiva, hunto cu e director t’ey presente den e reunion. Nan accountant tambe tabata presente. E pantaya proyecta den concepto di e minister, a bay di acuerdo. Tin di reconoce si, bayendo mas den detaye, tempo cu ex-minister Michelle Hooyboer-Winklaar di AVP, a tuma un decision na 2015, cual tin cu respeta, tabata contra ley, cual hues a bisa tambe.
Minister Croes a comenta tambe cu e caso ta den un bodem procedure y tin cu lag’e cana su caminda y laga e otro huesnan dicta. E por ta algo pa ta riba e mesun liña.
Pa cobertura mas amplio lesa TREMPAN.
