Minister di Salud a informa riba e parti di fusion di hospital y ImSan. Desde aña pasa ta papiando di acuerdo di cooperacion entre e dos institutonan.
Dangui Oduber, minister di Salud, a indica di no ta kere mester ta asina cu dos instituto di Aruba mester competi contra otro en bes di traha cu otro y uno complementa otro. P’esey di aña pasa a cuminsa cu e negociacionnan y e tempo ey tabata papia di MoU entre e dos partidonan aki. E MoU mester a keda firma den luna di december y esey no a sosode.
E mandatario a indica esey no a pasa y a splica ambos instituto cu a duna suficiente tempo, esta di januari te juni, pa sinta na mesa cu otro. Asina ey nan por a haci palabracion concreto cu otro, kita e areanan cu nan mes ta identifica cu nan por traha cu otro y asina ey por lever op e besparing. Ainda no a yega na un acuerdo y, segun, Oduber, gobierno tabata hopi tolerante pa duna nan espacio, e libertad tambe pa nan mes yega na otro. Esey no a sosode. P’e motibo ey, como ministerio, a dicidi di trek esaki y trece e partidonan hunto.
A duna hospital y ImSan un deadline no pa solamente duna un feedback, comentario, pero pa por firma un acuerdo. Segun e mandatario, no kier pone un presion adicional riba e institutonan aki, cuminsa menasa nan cu si nan no firma, nan ta bay haya menos placa di AZV. Tur dos ta haya lumpsum di AZV y gobierno no kier yega n’e extremo ey. E ta un herment cu AZV tin na su disposicion, pero Ministerio di Salud no ta ni considera di bay e direccion.
Pa mas lesa TREMPAN.COM.
