Minister Xiomara Maduro a informa diahuebs atardi durante un conferencia di prensa cu pais Aruba ta conmemora den 2022 e di 35 aña desde cu a bira miembro asocia di e United Nations Educational, Scientific and Cultural Organization (UNESCO). E conferencia a tuma luga na sede di UNESCO Aruba den e hala monumental di John F. Kennedy Center for Education.
Den presencia di varios persona liga, di un manera of otro, na e agencia, e mandatario a hiba palabra splicando con tabata na 1987 cu Aruba a bira miembro asocia pa prome biaha. Den un forma resumi, a elabora riba e transcurso y tambe a elabora un produccion audiovisual di cinco minuut caminda ta splica logro y metanan te cu aworaki.
Entre nan a menciona cu apenas na 2020 a formalisa e Secretariado General di UNESCO na Aruba, ken ta su miembronan y kico ta e plannan cu tin pa e aña’ki. Un di nan ta cu nos isla lo fungi como sede di un encuentro regional den luna di november. Otro punto ta cu a establece un comision nacional pa cubri areanan manera educacion, ciencia y cultura.
Pa e relato completo, lesa edicion di TREMPAN
