Ta bisto cu nos turismo ta creciendo mirando e cantidad di bishitante cu nos ta haya tur luna. Pero no mester descarta cu sa tin episodio cu un of otro accidente y/of tragedia sa tuma luga.
Minister Dangui Oduber, den su calidad di minister di turismo, durante un conferencia di prensa diahuebs, a splica cu hunto cu diferente ministerio tin u beach policy cu mester bin cu refuerso necesario.
Den pasado a yega di discuti e necesidad pa Lifeguards y ainda ta den discusion. Un di e preocupacionnan cu tin actualmente pa pone Lifeguard ta, cu ta asumi como pais, e responsabilidad total. N’e momento e responsabilidad ta den “bo” man mirando cu tin un Lifeguard presente.
Ta evaluando pa mira si ta cumbini pais Aruba pa pone post di Lifeguard cerca di costa. Pero ta algo cu ta den discusion continuo cu ATA y TPF, con ta mehora y garantisa e siguridad pa nos turistanan, cu ta haci uzo di tur e servicio y facilidad acuatico ofreci pa tur e companianan aki.
