Minister di Turismo y Salud Publico Dangui Oduber ta sumamente orguyoso pa anuncia e lansamento di e proyecto “Tourism Security Patrol Aruba” (TSPA), cu lo bay eleva e siguridad den e area hotelero pa nos comunidad y bishitantenan.
Un proyecto cu tabata tin un trayectorio largo, pero cu a bira un realidad pa asina yuda preveni crimen den e areanan hopi bishita pa nos turistanan. Ta pa nota cu e industria di turismo ta creciendo, y segun raportnan di ATA, 98% di bishitante a indica cu un di e motibonan principal pa bishita Aruba ta pa motibo di siguridad.
E iniciativa aki cu a bin for di Aruba Hospitality & Security Foundation (AH&SF)ta representa un hito significante di Aruba su compromiso di siguridad pa turismo.
E ekipo di Tourism Security Patrol Aruba ta consisti di un team cu a sigui varios training riguroso na diferente compania di siguridad como tambe na Cuerpo Policial mes. Cada un lo ta ekipa cu material pa traha raport, manera bodycam, flashlight, electrical bicycle y mas.
Finalmente, Minister Dangui Oduber ta sumamenteorguyoso di proyecto aki cu ta demostra cu e maneho ta pa sigui innova pa garantisa siguridad na Aruba.
Pa termina, el a manda pabien pa su colega Minister di Husticia y Asuntonan Social, sr. Rocco Tjon, AH&SF, Aruba Tourism Authority, KPA y tur cu a haci e proyecto di Tourism Security Patrol Aruba exitoso.
