Durante e tratamento di presupuesto supletorio, e tension a bay halto. Pero manera custumber tin tiramento di palabra. Den e caso aki Minister Presidente, mr. Evelyn Wever-Croes, a tilda un Parlamentario di oposicion cu e ta bou un substancia blanco.
Glenbert Croes, Minister di Labor, a indica na momento cu emocion bira fuerte, tin ora ta pone bo expresa cosnan. Pero loke ta trata substancia blanco, e mandatario a expresa cu nan a tira tur cos riba su persona, cu tin par di hende a cuminsa tira palabra riba su persona.
El a expresa di ta ken e ta y cu tempo e tabata hoben, el a core hopi caya. Pero awo e ta para eynan cu rektitud y ta sigui padilanti. “Ora cu bo ta den cayente den debate, si bo ta bin cu mitrailleur riba nos. Bo ta haya bek”, Croes a bisa. Tambe cu tin ora e palabranan ta cay fuerte.
E ta di pensamento cu un dia e dia lo yega cu den politica lo tin e madurez pa compronde cu tur cos tin su momento. Esey ta algo cu nan lo keda busca. “Ami ta gusta un debate cu gordura. Pero ya bo ta hende y tin ora emocion ta yena bo.”
Loke ta mas importante ta cu interes di pais y pueblo ta na prome luga. Nan ta yama, paga pa t’ey y defende esey.
